Tjaldsvæðið er við suðurinnkeyrsluna í bæinn (þegar komið er frá Akureyri) alls 9.500 fermetrar að stærð.  Það stendur við hlið íþróttasvæðisins, skólans og Sundlaugarinnar á Dalvík. Í kring er góð aðstaða til leikja fyrir börn, grasbalar fyrir leiki og boltaspark, gervigras sparkvöllur, körfuboltavöllur og ýmis leiktæki.
Á tjaldsvæðinu er heitt og kalt vatn, sturtur og snyrtingar með aðgengi fyrir fatlaða. Á svæðinu er góð aðstaða innandyra, þar er hægt að þvo leirtau og elda. Innandyra er aðstaða til að setjast niður.
Hægt er að komast í þvottavél, þurrkara og aðstöðu til að þurrka skóbúnað.
Einnig er rennandi vatn fyrir áfyllingar á vatnstanka og niðurfall fyrir losun ferðaklósetta.
Fjölmargir áhugaverðir staðir finnast á Dalvík og á Tröllaskagum öllum sem vert er að heimsækja. Tröllaskagi er ríkur af bæði náttúruminjum og menningarminjum. Má þar t.a.m. nefna Friðland Svarfdæla og Fólkvang í Böggvisstaðasfjalli. Vinsælt hefur verið að fara í hvalaskoðun, bjórböðin sem opnuðu sumarið 2017 og ógleymdum gönguleiðum. Svo er heimasókn á Byggðasafnið Hvoll en Tveir þjóðþekktir svarfdælingar eiga sínar stofur á safninu. Þar ber að nefna Jóhann Svarfdæling sem eitt sinn var hæsti maður heims og Kristjánsstofu Eldjárns.
Nánari upplýsingar um afþreyingu og þjónustu á svæðinu er að finna á www.visittrollaskagi.is

Útilegukortið gildir ekki yfir fiskidagsvikuna, eða frá 4.-9. ágúst 2020.