Tjaldsvæðið er við Íþróttamiðstöðina í Ólafsfirði og þar er lítil tjörn með miklu fuglalífi og smásílum sem vinsælt er að veiða hjá yngri krökkunum. Einnig er 9 holu golfvöllur aðeins um 2 km frá tjaldsvæðinu og stutt er í veiði, hvort heldur sem er á bryggjuna, eða í silung í Ólafsfjarðarvatni. Seld eru veiðileyfi í Fjarðará sem er inn af vatninu.

Ýmsir viðburðir eru skipulagðir á svæðinu í sumar og þar má nefna:

27.– 29. mars                    Siglo Freeride 2020
28. mars                            Fjallaskíðamót Super Troll Ski Race
9. – 13. apríl                      Páskafjör á skíðasvæðum Fjallabyggðar
10. – 11. apríl                    Gjörningahátíð í Alþýðuhúsinu á Siglufirði
5. – 7. júní                         Sjómannadagurinn – sjómannadagshátíð í Ólafsfirði
17. júní                              Hátíðarhöld í Ólafsfirði og á Siglufirði
1. – 5. júlí                           Þjóðlagahátíðin á Siglufirði
17. – 19. júlí                       Sápuboltamótið í Ólafsfirði
25. júlí                               Trilludagar á Siglufirði
30. júlí – 2. ágúst             Síldarævintýrið á Sigló
31. júlí – 2 ágúst              Berjadagar, tónlistarhátíð í Ólafsfirði
Sept/Okt                           Ljóðahátíðin Haustglæður í Fjallabyggð

Stutt er í gönguferðir fyrir fjallagarpa og kajak og árabátasiglingar á vatninu í kvöldkyrrðinni.
Nánari upplýsingar eru á heimasíðu Fjallabyggðar: www.fjallabyggd.is og www.visittrollaskagi.is